" ကျွန်တော် သိခဲ့ဘူးတဲ့ အပြုသဘော ဆိုတာ "

" ကျွန်တော် သိခဲ့ဘူးတဲ့ အပြုသဘော ဆိုတာ "

>>> ကျွန်တော် ၄ နှစ် ၅ နှစ်သားလောက်တုန်းက တစ်ညနေမှာ မီးဖိုထဲက အမေ့ကို ထဘီစဆွဲပြီး မေးခဲ့ဘူးတယ်။ "အပြုသဘော ဆိုတာ ဘာကိုပြောတာလဲ အမေ" လို့။ အမေက အလုပ်ရှုပ်နေရာက ခဏငြိမ်သွားပြီး ကျွန်တော်ကို ငေါက်ပြောလေးပြောတယ်။ "ကလေးက ကလေးလိုနေ .. ကြီးတော့ သိလာလိမ့်မယ် .. ဒီမှာ အလုပ်ရှုပ်နေရတဲ့ကြားထဲ .. သွား သွား .. မနက်ဖြန်ကျ အမေအားမှပြန်လာမေး" တဲ့။
နောက်နေ့ကျ ကျွန်တော်လဲ ဘယ်မေးဖြစ်ပါ့မလဲ . . အဆူလဲခံလိုက်ရတာကိုး . . . ။ ဒါပေမယ့် ညနေရောက်တော့ အမေက ကျွန်တော့်လှမ်းခေါ်တယ်။ "သားရေ လာဦး . . မနေ့က အမေ့မေးတာ ပြန်မမေးတော့ဘူးလား . . အပြုသဘောဆိုတာလေ. . " ။
"ဟုတ်" ဆိုပြီး ကျွန်တော်က ခေါင်းညိတ်လိုက်တယ်။ အမေက ဆက်ပြောတယ် "သားက ငယ်သေးတော့ အမေရှင်းပြလဲ သားနားလည်မှာ မဟုတ်သေးဘူး . . . ကြီးလာရင် သားဘာသာနားလည်လာလိမ့်မယ် . . သားကျောင်းနေတဲ့အခါ စာတွေဖတ်တတ်လာတဲ့အခါ ကျရင်သိလာလိမ့်မယ် . . . ဟုတ်ပြီလား . "။
ကျွန်တော်လဲ 'ဟုတ်' ဆိုပြီး အူလည်လည်လုပ်နေတုန်း အမေက ဆက်ပြောတယ် "မနေ့က အမေပြောတာနဲ့ ဒီနေ့အမေပြောတာ သဘောချင်းတော့ အတူတူပဲ . . ဟုတ်ကဲ့လား . . သားသိလား"
....
"အတူတူပဲလေ .. သားငယ်သေးတယ် .. ကြီးလာရင် သိလာလိမ့်မယ် .. ဟုတ်လား "
"ဟုတ်"
"မနေ့က ပြောတာနဲ့ ဒီနေ့ပြောတာ ဘယ်ဟာကို သားပိုကြိုက်လဲ"
"ဒီနေ့ပြောတာကိုပိုကြိုက်တယ်"
"မနေ့ နဲ့ ဒီနေ့ယှဉ်ရင် ဒီနေ့ဟာ အပြုသဘောပဲ သားရယ် . . . နားလည်လား . . . ကဲ ကဲ . နားမလည်လဲနေ . . နောက်တော့ နားလည်လာမယ် . . . ဒီ ၂ ရက်ကို သားမှတ်ထား . . ဟုတ်ပြီလား"
ကျွန်တော်လဲ အူလည်လည်နဲ့ ပြီးသွားတာပေါ့။

>>> နောက် ၅ နှစ် ၆ နှစ် လောက်ကြာပြီး တရက်သားတော့ အမေက ကျွန်တော့်ကို ခေါ်မေးတယ်။ "သားရေ . . အပြုသဘော ဆိုတာဘာလဲ သိပြီလား" တဲ့။
ကျွန်တော့်စိတ်ထဲမယ် လွန်ခဲ့တဲ့ ၅ နှစ် ၆ နှစ်က ညနေခင်း နှစ်ခုဟာ ရုတ်ခြည်းဆိုသလို ဆက်တိုက်ပေါ်လာပါတော့တယ်။ ကျွန်တော် မကြိုက်တဲ့ ညနေနဲ့ ကျွန်တော်ကြိုက်တဲ့ ညနေ ဆိုပါတော့။
ကျွန်တော်လဲ အမေ့ကို ပြုံးကြည့်ပြီး ပြန်ပြောမိတယ်။
" သား သိသလိုလိုပဲ အမေ "

>>> နောက်ထပ် နှစ်ပေါင်း ၂၀ ကျော်ကြာတဲ့ အခါမှာတော့ ကျွန်တော်ကြိုက်တဲ့ ညနေခင်း အသစ်တွေအများကြီးမွေးဖွားပေးနိုင်အောင် ကြိုးစားနေတတ်ခဲ့ပါပြီ . . . ။


(ယက္ခ) ရဲကြီး . ၁၈.၆.၂၀၁၃

https://www.facebook.com/yekkha.yejee
https://www.facebook.com/yekkha.yegyii.fanpage